ထေရ၀ါဒ နှင့် မဟာယာန ကွာခြားချက်များ

မဟာယာနဘာသာကို လူတော်တော်များများ စိတ်ဝင်တစားရှိသော်လည်း အကြောင်းကြောင်း
ကြောင့်မလေ့လာဖြစ်ပဲ အလှမ်းဝေးနေကြတာကို သတိထားမိပါတယ်၊ အထူးသဖြင့် ကိုယ်နဲ့ မဆိုင်ပါဘူးလေ ဆိုပြီး ဖာသိဖာသာနေတာလဲ ပါမှာပါ၊ သို့သော်လည်း တိုင်းတပါးကို ရောက်လာ
တဲ့အခါမှာတော့ ကိုယ့်ပတ်ဝန်းကျင်မှာ ဘာသာမျိုးစုံ၊ လူမျိုးပေါင်းစုံ၊ နောက်ဆုံး ဘာသာမဲ့ ၀ါဒသမားကအစ တွေ့မြင်နေကြရတာကြောင့် မသိမဖြစ်အနေနဲ့ လိုအပ်လာတယ်၊ စာရေးသူတို့ ဘုရားသားတော် ရဟန်းတွေမှာတောင် မြန်မာပြည်မှာတုံးက မလိုအပ်ဖူးလို့ ထင်ခဲ့မိတယ်၊

အခုတော့ ကိုယ့်ဝန်းကျင်မှာ မဟာယာနဘုန်းကြီးတွေ၊ သီလရှင်တွေ ၊ တရုတ် ကိုးရီးယား ဂျပန်လူမျိုးတွေကို တွေ့လာ၇တဲ့ အခါမှာတော့ သူတို့ဘာသာအကြောင်းကို မသိလို့ မရတော့ဘူး၊ သူ့တို့ဘာသာကို အစအဆုံး ဘုရား တရားက အစ လိုက်မေးနေရတယ် ဆိုရင် ကိုယ့်မြန်မာလူမျိုး သိက္ခာတော်တော်ကျနေပြီ၊ သီတဂူဆရာတော်ကြီး ပြောတဲ့ စကားတခွန်းကို မှတ်သားမိဘူးတယ်၊ ဘယ်ဘာသာကို မဆို လေ့လာထားပါ၊ သူတို့နဲ့ စကားပြောလို့ အနိုင်လိုချင်၇င် သူ့တို့ ဘာသာရဲ့ အားနည်းချက်ကို သိနေတော့ ပြောဆိုရတာ ( နောက်ဆုံး ငြင်းခုံရင်တောင် ကိုယ်က အနိုင်ရမယ် ) သိပ်လွယ်တယ် တဲ့။ အထူးသဖြင့် စာရေးသူတို့ မြန်မာနိုင်ငံမှာ မဟာယာန ဗုဒ္ဓဘာသာ ဆိုတာ တရုတ်ဘုန်းကြီးကျောင်းတွေမှာသာ ရှိတာမို့ ရဟန်းသံဃာတွေရော ဒကာ ဒကာမတွေပါ အလှမ်းဝေးနေခဲ့ကြတယ်။ ဒါကြောင့် လက်လှမ်းမှီသလောက်ကို တင်ပြလိုက်ပါတယ်၊

ထေရ၀ါဒ ဗုဒ္ဓဘာသာ - မည်ပုံ

ဘုရားရှင် ပရိနိဗ္ဗာန်စံတော်မူသော မဟာသက္ကရာဇ် ( ၁၄၈ )ခုနှစ် ကဆုန်လပြည့်နေ့မှနောက် ၃ လလွန်မြောက်ပြီးသောအခါ အရှင်မဟာကဿပဦးဆောင်သော ရဟန္တာမထေရ် ၅၀၀ ဖြင့် ရာဇဂြိုလ်မြို့တွင်ဘုရားရှင်၏ တရားတော်တို့ကို တလုံးတပါဒမျှ ပြင်ဆင် ဖြည့်စွက်ခြင်း၊ ထုတ်နှုတ်ပယ်ရှားခြင်း အလျင်းမရှိခဲ့ပဲ ဟောတော်မူခဲ့သည့်အတိုင်း တသွေမတိမ်း ပထမသင်္ဂါယနာ တင်တော်မူခဲ့ကြသည်။
အချုပ်အားဖြင့် ဘုရားဟောတော်မူခဲ့ပြီးသော တရားတော်တို့ကို ယနေ့အချိန်အထိ တလုံးတပါဒမျှ ပြင်ဆင်ဖြည့်စွက်ခြင်းမရှိပဲ တပည့်သား သာဝက အစဉ်အဆက် လက်ဆင့်ကမ်း သယ်ဆောင်လာသော ၀ါဒကို ထေရ၀ါဒ ဗုဒ္ဓဘာသာ ( တပည့်သား သာဝက မထေရ်အစဉ်အဆက် သယ်ဆောင်လာသော ဘုရားဝါဒ ) ဟု မှတ်နိုင်ပါသည်။
ဒုတိယ သင်္ဂါယနာ
မြတ်ဗုဒ္ဓ လွန်တော်မူပြီး သာသနာနှစ်ပေါင်း (၁၀၀)ကြာပြီးနောက် ၀ဇ္ဇီတိုင်းသားရဟန်းများ (ဒေ၀ဒတ်
တပည့်များ )မှ အဓမ္မ၀တ္ထု (၁၀)ပါးကို တောင်းဆိုခဲ့ကြသည်။ ဥပမာ နေလက်တစ်သစ်လွဲသည့်
အချိန်အထိ ၀ိကာလဘောဇန လုပ်နိုင်တယ်၊ သေနု(အရက်ခပ် ပျော့ပျော့ ယခုခေတ် ထန်းရည်လိုမျိုး )ကို သောက်နိုင်တယ်၊ ရွှေငွေများကို လူတွေလို စိတ်ကြိုက် ကိုင်တွယ်အသုံးပြုနိုင်တယ် -- စသဖြင့် တောင်းဆိုခဲ့ပြီး ထေရ၀ါဒဗုဒ္ဓသာသနာတော်အား ပြုပြင်ပြောင်းလဲရေးလုပ်လာသဖြင့် ထိုရန်သူတို့အား ကာကွယ်ရန် ဒုတိယအကြိမ် သင်္ဂါယနာတင်ရပြန်သည်။

(၂) သာသနာနှစ် (၁၀၀)နှစ်
(၃) နေရာ ဝေသာလီပြည်၊ ၀ါဠုကာရာမကျောင်း
(၄) ခေါင်းဆောင် အရှင်ယသမထေရ် ဦးဆောင်သော အရှင်ရေ၀တနှင့် အရှင်သဗ္ဗကာမိ
(၅) သံဃာဦးရေ ရဟန္တာပေါင်း (၇၀၀)
(၆) မင်း ကာလာသောကမင်း
(၇) ကြာမြင့်ချိန် (၈) လ

အရှင်ယသ၊ အရှင်ရေ၀တ အရှင်သဗ္ဗကာမီ ဦးဆောင်သော ၇ဟန္တာများ ဝေသာလီပြည်၌ သင်္ဂါယနာတင်နေစဉ် ၀ဇ္ဇီတိုင်းသားရဟန်းပျက်များကို သံဃာထု၊ မင်းပရိသတ်ထု၊ ပြည်သူလူထု ပေါင်းပြီး နှင်ထုတ်ခဲ့ကြသည်၊ ထိုရဟန်းပျက် များကာ တစ်သောင်းကျော် ပမာဏ ရှိခဲ့သည် ဟူ၏။

ထိုရဟန်းပျက်တို့ ကို တိုင်းပြည်မှ နှင်ထုတ်လိုက်ရာ ၎င်းတို့သည် ဟိမ၀န္တာတောင်ခြေဖက် သို့ သွားရောက်
ပြီး ရှင်ဘုရင်တစ်ပါးမှ သနားကာ ခိုလှုံခွင့်ပေးလိုက်ရာမှ ထိုရဟန်းတို့သည်လည်း သင်္ဂါယနာစင်ပြိုင် တင်ခဲ့ကြသည်။

ထိုရဟန်းတို့အား တစ်သောင်းကျော်ဟူသော ကြီးမားသော အင်အားရှိသဖြင့် မဟာသံဃိကဂိုဏ်းဟု နာမည် တွင်ခဲ့သည်၊ ထိုဂိုဏ်းမှ မဟာယာန၀ါဒ ဖြစ်လာသည်။
ထိုမှတဖန် ဝေသာလီ၌ ကျန်ရှိခဲ့ကြသော ရဟန္တာ ( ၇၀၀ )အဖွဲ့အား ဟီနယာနဂိုဏ်း သေးငယ် သောဂိုဏ်း  ( တနည်းအားဖြင့် သဗ္ဗတ္ထိဝါဒဂိုဏ်း ) ဟု ခေါ်တွင်ခဲ့သည်။ ထိုဂိုဏ်းမှ ထေရ၀ါဒ ဆင်းသက်လာပါသည်။ အမှန်ကတော့ ငါတို့က ရွာရဲ့ မြောက်ပိုင်းမှာ နေတယ် ဆိုရင် သူတို့က တောင်ပိုင်းမှာ နေတယ် ဟု အလိုလို မပြောသော်လည်း ပြောသကဲ့သို့ ထေရ၀ါဒ ကိုလည်း မဟာယာန ၀ါဒီ တို့သည် ဟီနယာန ဟု သုံးစွဲခဲ့ကြလေသည်၊

အိန္ဒိယ တောင်ပိုင်းဒေသမှ စကာ ပြန့်နှံ့ခဲ့သောကြောင့် တောင်ပိုင်းဗုဒ္ဓဘာသာ(ထေရ၀ါဒ) ဟုလည်းအလွယ်တကူ မှတ်နိုင်ပေသည်။ ယခုအချိန်အထိ သီရိလင်္ကာ၊ ထိုင်း၊ မြန်မာ၊ ကမ္ဘောဒီယား၊ လာအို နိုင်ငံတို့တွင် သာသနာထွန်းကားနေဆဲမို့ ထေရ၀ါဒ ၅ နိုင်ငံ ဟု အများက အသိအမှတ်ပြု လက်ခံထားဆဲဖြစ်သည်။


မဟာယာနမှာတော့ မဇ္ဈိမဒေသ အိန္ဒိယပြည် မြောက်ပိုင်း ဟိမ၀န္တာကနေ ပြန့်ပွားခဲ့သောကြောင့် မြောက်ပိုင်း ဗုဒ္ဓဘာသာ ( မဟာယာန ) ဟု မှတ်နိုင်သည်၊ဘီစီ ၁ ရာစု မှ စကာ အေဒီ ၁ ရာစု အအတောအတွင်း  မဟာယာန ၀ါဒ စတင်ဖြစ်ပေါ်လာသည်ဟု သိရသည်၊  မဟာယာနတို့၏ Saddharma Pundarika Sutra  သဒ္ဓမ္မပုဏ္ဍရိက သုတ်တွင်မူ အေဒီ ၂ ရာစုမှ စကာ ခေါင်းဆောင်ဖြစ်သော Nagarjuna  နာဂဇုန သည် သူ၏ သုညတ၀ါဒကို စွဲကိုင်ကာ အင်အားကြီးမားစေခဲ့သည်၊ အေဒီ ၄ ရာစုလောက်တွင်တော့Asanga   အသင်္ဂ နှင့်  Vasubandhu  ၀သုဗန္ဓု တို့ လက်ထက်တွင် မဟာယာနဘာသာသည် အထွတ်အထိပ်အခြေအနေသို့ ရောက်ရှိအောင် ပြန့်ပွားခဲ့သည်ဟု ဆိုရပါမည်။
( မဟာ - မြင့်မြတ်သော၊ ယာန - နိဗ္ဗာန်သို့ ပို့ဆောင်ပေးသော အရာ၊ ယာဉ်ဟူသော၊ ၀ါဒ - အယူရှိသူ )

ထိုအချိန်မှစ၍ မြောက်ပိုင်း ဗုဒ္ဓဘာသာ ခေါ် မဟာယာန သည် တရုတ်ပြည်၊ တိဗက်၊ ပါကစ္စတန်၊ မွန်ဂိုလီးယား၊ ဗီယက်နမ်၊ ကိုးရီးယား ဂျပန် စသော တောင် အာရှ နိုင်ငံများအထိ နှစ်ပေါင်းများစွာ ခေတ်အဆက်ဆက် ပြန့်ပွားခဲ့သည်၊ ထိုနိင်ငံတို့တွင် ထေရ၀ါဒ ဘာသာ အားကောင်းစွာ ပျံ့နှံ့သည်ဟူ၍ မကြားဖူးခဲ့ပေ။ အနည်းစုတော့ ရှိခဲ့လိမ့်မည်၊ ထို့ကြောင့် တရုတ် ဂျပန် ကိုးရီးယား တို့၏ ဘာသာရေး အခန်းကဏ္ဍများတွင် တုံးခေါက်ခြင်း၊ ဖယောင်းတိုင် အမွှေးတိုင် ထွန်းခြင်း သေသူအား ရည်စူးကာ စက္ကူများအားမီးရှို့ ပြာချခြင်း စသည်များသည် နိုင်ငံ ဓလေ့ ယဉ်ကျေးမှု့အရ အနည်းငယ် ကွဲလွဲသည်မှအပ တူညီနေကြပေသည်။

ပြိုကျခါနီး အိမ်ကို ကျားကန် ထားရသလိုဖြစ်နေတဲ့ မဟာယာန ဘာသာဟာ နောက်ပိုင်းခေတ်မှာတော့ ဂျပန်နိုင်ငံက စပြီး ရဟန်းတော်များ အိမ်ထောင်ပြုသင့်တဲ့ဂိုဏ်း၊ မပြုသင့်တဲ့ ဂိုဏ်း ဆိုပြီး ကွဲပြားလာတယ်၊ တချို့အရက်သောက်ကြတယ်၊ တချို့က မသောက်ဘူး၊ တချို့သက်သက်လွတ်စားတယ်၊ တချို့က မစားကြဘူး၊ ဒါကြောင့် ယခုအချိန်မှာ ကိုးရီးယား ဂျပန် ဘုန်းကြီးတော်တော်များများဟာ
အိမ်ထောင်ရှိကြတယ်၊ အရက်သောက်ကြတယ်၊ ပါတီ နိုက်ကလပ်တက်ကြတယ် လို့ တဆင့်စကား ကြားဖူးပါတယ်၊ တရုတ်၊ တိဗက် ဟောင်ကောင် ထိုင်ဝမ် စတဲ့ နိုင်ငံတွေမှာ ရှိတဲ့ မဟာယာနဘုန်းကြီး တွေကတော့ အိမ်ထောင်ပြုတယ် လို့ မကြားမိပါဘူး၊ ဒါကြောင့် သူတို့ကတော့ နည်းနည်း သန့်ရှင်းသေးတယ် လို့ ယူဆ၇မှာပါ။ သက်သက်လွတ်ဝါဒကတော့ တော်တော် ကြီးစိုးနေဆဲပါပဲ၊ ဒါကလဲ ဘုရားရှင်လက်ထက်တော်အခါကတည်းက အရှင်ဒေ၀ဒတ်က တောင်းဆု ငါးပါးထဲမှာ ရဟန်းတော်များသက်သက်လွတ် စားဖို့ သိက္ခာပုဒ်ပညတ်တော်မူပါဘုရား - ဆိုပြီး တောင်းပန်ခဲ့ဖူးပေမယ့် ဘုရားရှင်က ခွင့်မပြုခဲ့ဘူး။

အရင်းစစ်တော့ အမြစ်မြေက - ဆိုသလို မြောက်ပိုင်း ဗုဒ္ဓဘာသာခေါ် မဟာယာန၀ါဒ ဟာလဲ ဒုတိယသင်္ဂါယနာ တင်ချိန် ကတည်းက အဓမ္မ၀ါဒက နေ ဆင်းသက်လာတာမို့ အယူဝါဒတော်တော်များများ လွဲနေတာ မထူးဆန်းတော့ပါဘူး။

လွတ်မြောက်ရာ လမ်းများ နှိုင်းယှဉ်ချက်
ထေရ၀ါဒ ဘာသာ တွင် နိဗ္ဗာန် ပန်းတိုင်သို့ -
၁ ။ သမ္မာသမ္ဗုဒ္ဓ အဖြစ်နှင့် ကူးမြောက်ခြင်း၊
၂ ။ ပစ္စေကဗုဒ္ဓါ ဘုရားငယ်အဖြစ် ကူးမြောက်ခြင်း၊
၃ ။ သာဝက ဗောဓိ - ခေါ် ရဟန္တာအဖြစ် ကူးမြောက်ခြင်း ဟု သုံးမျိုးရှိသည်။

မဟာယာန ဘာသာတွင်လည်း -
Bodhisattvayana, ( ဗောဓိသတ္တ ယာန ) ဘုရားအလောင်းယာန၊
Prateka-Buddhayana, ( ပစ္စေက ဗုဒ္ဓယာန ) ပစ္စေဗုဒ္ဓါလောင်း ယာန၊
Sravakayana ( သာဝက ယာန ) သာဝကလောင်း ယာန၊ဖြင့် ကူးမြောက်ခြင်း ဆိုပြီး တူညီသော အမျိုးအစားများ တွေ့ရသည်။

ထေရ၀ါဒ နှင့် မဟာယာန၀ါဒတွင် တူညီသော အင်္ဂါ ( ၆ ) ချက်
(၁) မြတ်စွာဘုရားကို နှစ်ဖက်စလုံးက ဆရာ အဖြစ်လက်ခံကြတယ်။
(၂) သစ္စာ လေးပါး တရားတော်ကို နှစ်ဖက်လုံးက အပြည့်အ၀လက်ခံကြတယ်။
(၃) မဂ္ဂင်ရှစ်ပါး တရားကိုလဲ လက်ခံတာချင်း တူညီတယ်၊

(၄) ပဋိစ္စသမုပ္ပါဒ် ဒေသနာတော်ကို လက်ခံတာလဲ တူညီတယ်၊
(၅) ဖန်ဆင်းရှင်ကို နှစ်ဖက်လုံးမှာ လက်မခံပဲ ပယ်မြစ်ပါတယ်။
(၆) အနိစ္စ ၊ဒုက္ခ၊အနတ္တ နဲ့ သီလ၊သမာဓိ ၊ပညာတွေကို နှစ်ဖက်လုံးက လက်ခံကြတယ်။

Mahayana and Theravada
Now, what is the difference between Mahayana and Theravada?
I have studied Mahayana for many years and the more I study it, the more I find there is hardly any difference between Theravada and Mahayana with regard to the fundamental teachings.

1- Both accept Sakyamuni Buddha as the Teacher.
2- The Four Noble Truths are exactly the same in both schools.
3- The Eightfold Path is exactly the same in both schools.
4- The Paticca-samuppada or the Dependent Origination is the same in both schools.
5- Both rejected the idea of a supreme being who created and governed this world.
6- Both accept Anicca, Dukkha, Anatta and Sila, Samadhi, Panna without any difference.

အနတ္တကို နှစ်ဖက်စလုံးက လက်မခံကြပေမယ့် ကွဲပြားချက်က တရားတော်တွေ မဟုတ်ဘဲ ဗောဓိသတ္တ လို့ ခေါ်တဲ့ ဘုရားလောင်း ၊ ဘုရားကျင့်စဉ် အပေါ်မှာ ထားတဲ့ သဘောထား ဖြစ်နေတယ်။
ထေရ၀ါဒ က ဘုရားလောင်း ကို ပုထုဇဉ်ပဲရှိသေးလို့ မကိုးကွယ်ဘူး။ ထေရ၀ါဒဆိုတာ ရဟန္တာ ဖြစ်ဖို့ ကျင့်တဲ့ ၀ါဒဖြစ်ပြီး ၊ မဟာယာနကတော့ ဗုဒ္ဓဖြစ်မယ့် ဘုရားလောင်း ဗောဓိသတ္တကျင့်စဉ်ကို လက်ခံတဲ့ ၀ါဒပါ။
ထေရ၀ါဒမှာ ဗောဓိသတ္တကို လွတ်မြောက်ရာ သစ္စာတရားကို မသိသေးတဲ့ ပုထုဇဉ်မို့ မကိုးကွယ်
သေးပေမယ့် ၊ မဟာယာန မှာတော့ ကိုးကွယ်စရာ ဗောဓိသတ္တတွေ များပါတယ်။ ဘုရားလောင်း ၊ ဘုရားရဲ့ မိခင်၊ ဖခင် အများကြီး ရှိပါသေးတယ်။

ဖားအောက်ဆရာတော်ကြီးရဲ့ ဓမ္မစကြာနှင့် ၀ိပဿနာ တရားတော်ကို နာဖူးပါတယ်၊
မဟာယာန အယူဝါဒမှာ - အရဟတ္တဖိုလ်ရပြီးသား ရဟန္တာပုဂ္ဂိုလ်ဟာ ဒီဘ၀ကနေ နိဗ္ဗာန်ကို မျက်မှောက်ပြုလို့ မရသေးဘူး။ ရဟန္တာအဖြစ်ကနေ အနာဂမ် ၊ သကဒါဂမ် ၊ သောတာပန် အထိ ပြန် လျှောကျသွားတယ်။ ပုထုဇဉ်ပြန်ဖြစ်သွားရမယ် ။ ပြီးမှ ဘုရားဆုပန်ပြီး ဘုရားဖြစ်ဖို့ ပြန်ကြိုးစားကြရမယ်။

ထေရ၀ါဒ မှာတော့ မဟုတ်ဘူး - ပုထုဇဉ်ဘ၀ကနေ သောတာပန်၊ သကဒါဂါမ်၊ အနာဂါမ်၊ ရဟန္တာ အစဉ်အတိုင်းဖြစ်ပြီးရင် နိဗ္ဗာန်ကို မျက်မှောက်ပြုရတာပါပဲ၊ နောက်ဆုံးဘ၀ပေါ့၊ သူ့အတွက် ဒီဘ၀ ဒီခန္ဓာကိုယ်ဟာ နောက်ဆုံးပါပဲ၊ ဘုရားဟောထားတဲ့ စကားလေးတခွန်းရှိတယ်၊ ရဟန္တာဖြစ်တဲ့သူ များလဲ ပြောလေ့ရှိကြတယ်၊ အထူးသဖြင့် ဘုရားရှင်ကိုယ်တိုင်ပါ။

(၁) အကုပ္ပါ မေ ၀ိမုတ္တိ = ငါ၏ ရရှိပြီးသော အရဟတ္တဖိုလ် ဥာဏ်သည် ဘယ်လိုအကြောင်း
ကြောင့်မှ မပျက်စီးနိုင်တော့ပေ။
(၂) အယမန္တိမာ ဇာတိ ၊ နတ္ထိ ဒါနိ ပုန ဗ္ဘဝေါတိ = ဒီဘ၀သည် နောက်ဆုံးဘ၀ပဲ။ နောက်ထပ် ဘ၀သစ် ဆိုတာ မရှိတော့ဘူး၊
(၃) နာပရံ ဣတ္ထတ္ထာယာတိ ပဇာနာတိ - ၇ဟန္တာ ဖြစ်ပြီးရင် နောက်ထပ် ကျင့်ကြံစရာ လုံးဝ မရှိတော့ဘူး - တဲ့။

ဒါကို ထောက်သောအားဖြင့် ထေရ၀ါဒဟာ အားလုံး ဘုရားဟောစကားနဲ့ တူညီနေသေးတယ်။
မဟာယာနမှာတော့ ကိုယ်မကြိုက်တာတွေကို ပယ်လိုက်၊ ထုတ်လိုက် ပြန်ထည့်လိုက်၊ အသစ်ထပ်တိုးလိုက်နဲ့ ခေတ်အ ဆက်ဆက် ဖြတ်သန်းခဲ့တာမို့ ဘယ်တရားက ဘုရားဟော တရား အစစ်အမှန်လဲ ဆိုတာ တိတိကျကျ ပြောနိုင်ဖို့ ခက်ခဲတဲ့ အခြေအနေကို ရောက်နေပါပြီ။ စစ်မှန်သော တရားတော်တို့ သည် မိမိတို့ လက်ထဲမှာသာ ရှိနေသေးသောကြောင့် အကျိုးရှိရှိ အသုံးချနိုင်ကြပါစေ ဟုသာ တိုက်တွန်းစကားဆိုရင်း နိဂုံး ချုပ်ပါရစေ --

ကိုးကား --
စူဠ၀ါပါဠိတော်
အနတ္တလက္ခဏသုတ်တော်
ဖားအောက် တရားတော်


                             ယခုပို့စ်လေးကို(စင်္ကာပူကညီမ)တစ်ယောက်ပို့ပေးခဲ့ပါတယ်။ညီမလေးကိုယ်စိတ်နှဖြာ
ကျန်းမာချမ်းသာပါစေ။ကျေးဇူးလဲတင်ပါတယ်။(မင်းလှသားလေး) 

ပျော်ရွှင်စွာဆင်နွဲဝါကျွတ်အလှူပွဲ

၁၃၇၃ခုနှစ်၊သီတင်းလပြည့်နေ(အဘိဓမ္မာအခါတော်နေ့)မှာကျွန်တော်တို့တွေလဲအလှူတစ်ခုကို
စုပေါင်းပြီးပြီးပြုလုပ်ခဲ့ပါတယ်။လပြည့်နေ့ကျွေမွေးရန်ကျွန်တော်ရဲ့သူငယ်ချင်းတွေနဲ့ဈေးဝယ်သွား
ပြီးညပိုင်းမှာချက်ပြုတ်ကြပါတယ်။မုန့်ဖတ်သုတ်ကိုကြက်သားလေးပေါ့။ညပိုင်းမှာတော့စုပေါင်းပြီး
(ပရိတ်၊ပဋ္ဌာန်း၊ဓမ္မစကြာ)ရွတ်ဖတ်ပူဇော်ကြပါတယ်။အခါကြီးရက်ကြီးမှာလေအဝေးရောက်နေတဲ့
သားတွေအဖို့မိဘတွေကိုဖုန်းဆက်ပြီးကန်တော့ကြပါတယ်။ညပိုင်းဘုရားခန်းဝင်ကြတဲ့ပုဂ္ဂိုလ်တွေ
ကိုတော့စာရေးသူကဘဲ(မင်းလှသားလေး)ကအလှူလုပ်ပါတယ်....စုပေါင်းအလှူလေးကို စာဖတ်သူတို့
အားအမျှ...အမျှ...အမျှ....ပေးဝေပါ၏ကျွန်တော်တို့နဲ့တူသာဓု...သာဓု...သာဓုခေါ်ဆိုကြစေရန်တင်ပြ
ပေးလိုက်ပါတယ်ခဗျာ.........





















                                              
                                            
















      ကျွန်တော်တို့ရဲ့အလှူမှတ်တမ်းလေးပါ....အမှားတွေရှီကခွင့်လွတ်ပေးကြပါနော်...ပျော်ပျော်ဆင်နွဲအလှူ
ပွဲလေးပါ...







သီတင်းကျွတ် လပြည့် အဘိဓမ္မာ အခါတော်နေ့


မြတ်စွာဘုရားက တာဝတိံသာ နတ်ပြည်မှာ နိမ္မိတ ရုပ်ပွားတော် ကိုယ်စား ထားခဲ့ပြီး အဘိ ဓမ္မာ တရားတော် အကျယ်ကို ၀ါတွင်း သုံးလ ပတ် လုံး ဟောကြားတော် မူပြီး တရားစစ်သူကြီး ရှင် သာရိပုတ္တရာ ကိုယ်တော်မြတ်ကြီးကို အဘိဓမ္မာ တရားတော် အကျဉ်းချုပ်ကို တချိန် တည်းမှာ ဟောကြား သင်ပြ တော် မူပြီး သီတင်းကျွတ် လပြည့်နေ့မှာ လူ့ပြည်ကို ပြန်ဆင်း ခဲ့တဲ့ အထိမ်း အမှတ် အနေနဲ့ နက်ဖြန် မနက်မှာ ကျရောက် မယ့် သီတင်းကျွတ် လပြည့်နေ့ကို အဘိဓမ္မာ အခါတော်နေ့ အဖြစ် သတ်မှတ် ခေါ်ဝေါ် ခဲ့ကြပါသည်။
   အဘိဓမ္မာ တရားတော် အကျယ်ဟာ အလွန် ရှည်လျား များပြားတဲ့ အတွက် ၀ါတွင်း သုံးလ ပတ်လုံး မရပ်မနား ဟော ကြားမှ ပြီးပြည့်စုံ အောင် ဟောကြား နိုင်မှာ ဖြစ်လို့ လူ့ပြည်မှာ တထိုင် တည်း တနေရာတည်း ဆက်တိုက် နာကြား နိုင်တဲ့သူ မရှိလို့ နတ်ပြည်မှာ နိမ္မိတ ရုပ်ပွားတော် ကိုယ်စားထား ဟော ကြား ရတာ ဖြစ်ပြီး လူသား ဖြစ်တဲ့ မြတ်စွာဘုရား ကိုယ်တော်တိုင် ကတော့ လူ့ပြည်ဆင်းပြီး က္ကရိယာပုဒ် လေးပါး ညီညွတ် မျှတအောင် စပ္ပါယ်ရင်း တရား စစ်သူကြီး ဖြစ်ရုံမက အဘိဓမ္မာ တရားတော်မှာ အထုံ ပါရမီ ပါသူ လက်ယာတော်ရံ ရှင်သာရိပုတ္တရာ ကိုယ်တော် မြတ်ကြီးကို အဘိဓမ္မာ တရားတော် အကျဉ်းချုပ်ကို ဟောပြတော် မူပါတယ်။ ရှင်သာရိပုတ္တရာ ကိုယ်တော် မြတ်ကြီးက တဆင့် တခြား သာဝက ငါးရာကို မကျဉ်း မကျယ် ပြန်လည် ဟောပြ သင်ကြား ပေးခဲ့ ပါတယ်။ ဒီအထိမ်းအမှတ် အနေနဲ့ သီတင်းကျွတ် လပြည့်နေ့ကို အဘိဓမ္မာ အခါတော် နေ့ လို့ ခေါ်ဆိုခြင်း ဖြစ်ပါသည်။ သီတင်းကျွတ် လပြည့်နေ့မှာ ကျင်းပ လေ့ ရှိတဲ့ ပွဲများ ကတော့

ပ၀ါရဏာပွဲ။ ။ ပ၀ါရဏာရဲ့ အဓိပ္ပာယ်မှာ ဖိတ်ကြားခြင်း၊ တိုက်တွန်းခြင်း၊ တောင်းပန်ခြင်း တို့ ဖြစ်လေသည်။ သာသနာ့ဝန်ဆောင် ရဟန်းတော် များဟာ ၀ါကျွတ်တာနဲ့ သီတင်းကျွတ် လပြည့်နေ့မှာ “အရှင် ဘုရားတို့။ တပည့်တော်သည် သံဃာကို ဖိတ်ကြား ပါဧ။်။ တပည့်တော် ဧ။် အပြစ်ကို မြင်သော်လည်းကောင်း၊ ကြားသော် လည်းကောင်း၊ သံသယ ရှိလျှင် သော်လည်း ကောင်း တပည့်တော်အား သနားသော အားဖြင့် ပြောဆို သတိ ပေးကြပါ။ အပြစ်ကို ကုစား ပါ မည်" ဟု ဖိတ်ကြား တိုက်တွန်း ပြီး ရဟန်းများက မိမိရဲ့ အပြစ်များကို အခြား တစ်ပါး ထံမှာ မိမိ ရဲ့ သဘောဆန္ဒ အလျောက် ဖွင့်ဟ ပြောဆိုပြီး ၀န်ချ တောင်းပန် ကြသလို သာသနာတော် သန့်ရှင်း တိုးတက် ရေးအတွက် အပြုသဘော ဆောင်ပြီး ဝေဖန် သုံးသပ် ကြသည့် ပွဲလဲ ဖြစ် ပေသည်။ အလွန်ပင် ဒီမိုကရေစီ နည်းလမ်း ကျန စည်းစနစ် ကောင်းလှသော ပွဲပါပေ။

မီးမြင့်မိုရ်ပွဲ။ ။ သီတင်းကျွတ် လပြည့်နေ့ ညနေမှာ နတ်ပြည် ကနေ လူ့ပြည်ကို ဆင်းအ လာ လပြည့်ဝန်း နဲ့အတူ ကောင်းကင်မှာ တင့်တယ်စွာ ဖူးမြင်ရတဲ့ မြတ်စွာဘုရားကို နတ်လူ အများက ပူဇော်တဲ့ အနေနဲ့ ဆီမီးများနဲ့ ပူဇော် ကြတဲ့ အထိမ်းအမှတ် အနေနဲ့ အိမ်၊ ကျောင်း၊ တန်ဆောင်း များမှာ ဆီမီး၊ မီးပုံးများ ထွန်းညှိ ပူဇော်ကြသလို ဘုရားစေတီ များမှာလဲ ပွဲများ ပြုလုပ်ပြီး မီးမြင့်မိုရ်ပွဲများ ပြုလုပ် ကြပါသည်။ ပုဂံမြို့ မြင်းကပါ ဂူပြောက်ကြီး ဘုရားက ပန်းချီ ကား တွင် ဗုဒ္ဓ မြတ်စွာ ဘုရား တာဝတိံသာမှ သင်္ကသနဂိုရ်ပြည်သို့ သက်ဆင်းပုံ ပန်းချီကို တွေ့ရသည့် အတွက် မီးမြင့်မိုရ်ပွဲကို ပုဂံခေတ် တည်းက ကျင်းပခဲ့သည်ဟု ယူဆ နိုင်ပေသည်။

ဘုရားပွဲတော်၊ နိဗ္ဗာန်ဈေးပွဲတော်များ၊ သက်ကြီး ပူဇော်ပွဲနှင့် ဆရာကန်တော့ပွဲများ စသည်တို့ ကိုလည်း မြန်မာနိုင်ငံ တ၀ှမ်း ကျင်းပလေ့ ရှိကြ သည်မှာ ယနေ့တိုင် ဖြစ်လေသည်။

သီတင်းကျွတ် လကို တူရာသီဟု ခေါ်ပြီး ချိန်ခွင်ရုပ်သဏ္ဍာန် နက္ခတ် ထွန်းပ လေသည်။ ထိုမျှ မက ၁၂လ ရာသီတွင် နေ့တာနဲ့ ညတာ တူညီသော တခုတည်းသော လလဲ ဖြစ်လေသည်။ ထို့ကြောင့် ကင်းဝန် မင်းကြီးက “ သီတင်းကျွတ်ပြီ တူရာသီ အာသ၀ဏီ ရှိန်ဝါရွှန်း၊ ကြာမျိုးလည်းစို မီးမြင်းမိုရ် ဗဟိုအချာထွန်း” ဟု ဖွဲ့ဆို ခဲ့လေသည်။(ရေခဲပြင်ထဲမှာပွင့်တဲ့ပန်း-ခွန်မြလှိုင်ဘလော့ဂ်မှဗုဒ္ဓဘာသာဝင်များအတွက်သိ

သင့်သောအကြောင်းရာလေးမို့ကူးယူဖော်ပြထားပါသည်။)
                                              ကိုယ်စိတ်နှဖြာကျန်းမာချမ်းသာကြပါစေ။(မင်းလှသားလေး) 

ငြိမ်းချမ်းရေးရိပ်မြုံ(၁၇)

         ပါဋလိ
ပါတလိသည် ဘုရားရှင်လက်ထက်တော်က ဂင်္ဂါမြစ်ကမ်းစပ်တွင် တည်ရှိသော သာမန်ရွာလေး
တစ်ရွာဖြစ်သည်၊သောသော် ယင်းသည် “မာဂဓတိုင်းနှင့် ဝိဇ်ဇီတိုင်း”တို့၏နယ်စပ်ဖြစ်သဖြင့် ဆက်သွယ်ရေးအတွက် အလွန်အရေးပါလှသော ရွာငယ်ဖြစ်သည် ၊ဘုရင်အဇာတသတ်သည်
“ဝေသာလီ”ကိုသိမ်းပိုက်နိုင်ရေးအတွက် ဤရွာငယ်ကို ခံတပ်မြို့အဖြစ် တိုးမြှင့်တည်ဆောက်ခဲ့
သည် ၊မြို့တော်အဖြစ်သတ်မှတ်ခဲ့သည် ၊မြို့တော် ခန်းမဖွင့်ပွဲတွင် “ဘုရားရှင်ကိုယ်တော်”တိုင်
ကြွရောက်ပြီး တရားဟောခဲ့သည် ။

ဘုရားရှင် “ပရိနိဗာန်”ပြုတော်မူပြီး နှစ်(၁၀၀)အတွင်းမှာ မာဂဓတိုင်း၏ မြို့တော်ဖြစ်လာပြီး ပါဋလိဂါမ(patali village)မှ ပါဋလိပုတ္တ(patali city)ဖြစ်လာခဲ့သည် ၊ယခုခါ ပတ္တနား ဟုခေါ်
သည် ၊ဗီဟာပြည်နယ်၏ မြို့တော်ဖြစ်သည် ၊ဤကို အယင်နာမည်အတိုင်း ပါဋလိပုတ္တ ဟုပြန်
ခေါ်ကြရန် ဗီဟာပြယ်နယ်အစိုးရက အဆိုပြုလျှက်ရှိသည် ၊ဂင်္ဂါမြစ်၏ တောင်ဘက်ခြမ်းတွင်
ရှည်လျှားစွာတည်ရှိနေသော မြို့ဖြစ်သည် ၊မြို့၏အစွန်တွင် ကကုဋာရာမ (ကြက်ခြံ)ဥယဉ်ရှိ
သည် ၄င်ဥယဉ်ကို ဘီစီ ၂၅၃ တွင်“အသောကာရာမ”ဘုန်းကြီးကျောင်းအဖြစ်“အသောကမင်း
ကြီးက”ဆောက်လုပ်လှူဒါန်းခဲ့သည် ၊ဤကျောင်းမှာပင်“အသောကမင်း”ကြီး၏ထောက်ပံ့မှုကို
ယူလျှက် ။

ရှင် မဟာမောက္ကလိပုတ္တတိဿမထေရ်ဦးဆောင်ပြီး ရဟန္တာ အရှင်သူမြတ်များက “တတိယသ
င်္ဂါယနာ”တင်ခဲ့ကြသည်၊ကျောင်းတော်နေရာကို လက်ရှိ အိန္ဒိယအစိုးရကတူးဖော်တွေ့ရှိထားပြီး
ဖြစ်သည် ၊နန်းတော်ရာကိုကားခုထိမတွေ့ရသေးပေ ၊သောသော် တရုတ်ခရီသည်(ဖာဟီယန်)
က အသောကမင်းကြီး၏ နန်းတော်ရာအပျက်ဆီးများကို သူကိုယ်တိုင်တွေ့မြင်ခဲ့ရသည်ဟုဆို
သည် ၊သံဃာ(၇၀၀)ရာကျော်ခန့် နေထိုင်နိုင်သော ကျောင်းတော်ကြီး(၂)ဆောင်ကို မြင်တွေ့ခဲ့
ရသည်ဟုလည်းဆိုသည် ။ဘုရားရှင် ပရိနိဗာန်စံတော်မူမည့် နှစ် ပါဋလိမှ နောက်ဆုံးအကြိမ်အ
ဖြစ် ထွက်ကြွတော်မူခဲ့သည့်နေရာတော်ကို ခုထိတိုင် ဂေါတမဂေါတ္တ(Gatama ford)ဟုခေါ်
တွင်လျှက်ရှိသည် ။

ပါဋလိ(ယခုပတ္တနား)၌ကြည့်ရှုလေ့လာစရာ သာသနာ့ သမိုင်းအစနများ မရှိစလောက်ပင်။ရေ
ဘေး-မီးဘေးတို့ကြောင့် မြို့ပျက်မည်ဟု ဘုရားရှင် ဗျာဒိတ်ပေးတော်မူခဲ့သည့်အတိုင်း အစန
ပျောက် ပျက်သုဉ်ခဲ့ပုံရသည် ၊“အသောကာရာမ”ဟုအများသိထားကြသောကျောင်းတော်ရာ
ကြီးကို ယခုခါ ကုမ်ရာဟာရ်(kumrahar)ဟုခေါ်ကြသည် ၊ကျောင်းတော်ရာ အုဌ်ခုံတချို့ကိုတူး
ဖောတွေ့ရှိထားပြီးဖြစ်သည် ၊ကျောင်းတော်ရာကို တူးဖော်ခဲ့ရာမှ လက်ရှိရေကန်ကြီး ဖြစ်လာရ
ခြင်းဖြစ်သည် ။

ရေကန်ဘေးနားတွင် ကျိုးပဲ့နေသော အသောကကျောက်စာတိုင်ကိုတွေ့ရှိနိုင်သည် ၊ရေကန်ထဲ
တွင်လည်း ယင်းမှ ကျိုးပဲ့ကျန်နေခဲ့သော ကျောက်တိုင်ငုတ်တို့ကိုတွေ့နိုင်သည် ၊အထက်ပိုင်း
ကျိုးနေသော အုဌ်ခွက်ရုပ်ကြွများ သစ်သားပျဉ်ချပ်များစသည်တို့ကို ကျောင်းဝင်းရှိ ပြတိုက်
ငယ်တွင် ပြသထားသည် ၊ပတ္တနားမြို့တော်၏ ပြတိုက်မှာသာ သာသနာနှင့် ပတ်သက်သော
သမိုင်းအချို့ကိုပြသထားပေသည် ။

                                         ငြိမ်းချမ်းရေးရိပ်မြုံ(၁၈)--သို့---

ငြိမ်းချမ်းရေးရိမ်မြုံ(၁၆)

  သင်္ကသဿနဂိုရ်
ဘုရားရှင်သည် (၇)ဝါမြောက် ဝါကို တာဝတီသာနတ်ပြည်၌ မယ်တော်မိ ကန္တုသီတနတ်သား
အား အဘိဓမ္မာ(၇)ကျမ်းကိုဟောတော်မူပြီး ၊ဝါဆို ဝါကပ်တော်မူခဲ့သည် ၊ဝါကျွတ်သောအခါ
နတ်တို့ဖန်ဆင့်အပ်သော ရွှေ ငွေ ပတ္တမြာ စောင်းတန်းကြီး(၃)သွယ်ဖြင့် နတ်ဗြဟ္မာ ပရိသတ်
များခြွရံလျှက်“သင်္ကဿနဂိုရ်ပြည်သို့သက်ဆင်းတော်မူခဲ့သည် ၊ဘုရားရှင် ကြွမြန်းတော်မူပြီး
သောအခါ စောင်းတန်း(၃)သွယ်မှာ မြေထဲသို့ နစ်ဝင်ကွယ်ပျောက်သွားပြီး လှေကား(၇)ထစ်
သာ မြေပေါ်၌ကျန်ရစ်ခဲ့သည် ။

ထိုလှေကားထစ်မျာအပေါ်တွင် သီရိဓမ္မာသောက မင်းကြီးက ဥာဏ်တော်(၁၆)ပေရှိရုပ်ပွါး
တော်တစ်ဆူ တည်ထားကိုးကွယ်ခဲ့ကြောင်း (တရုတ်ခရီးသည် )ဖာဟီယန်မှတ်တမ်း၌ဖော်
ပြသည် ၊သောသော် ၄င်းရုပ်ပွါးတော်ကို ယနေ့ထိတိုင်ရှာမတွေ့ရသေးပေ၊ အေဒီ-၅-ရာစု ၄င်း
ရောက်ခဲ့စဉ်က ဤနေရာတွင် ရဟန်-ရဟတ်းမိန်းမ-၁၀၀၀-ခန့်ထိတွေ့မြင်ခဲ့ရသည်ဟုလည်း
ဆိုသည် ၊ဤနေရာတော်မှာ ဘဒ္ဒကမ္ဘာ၌ပွင့်တော်မူသည့် ဘုရားရှင်တိုင်းနှင့် သက်ဆိုင်သော
ဘုရားရှင်တိုင်းမစွန့်သော အဝိဇဟိတ နေရာတော်မြတ်(၄)ခုတွင် တစ်ခုအပါအဝင်လည်းဖြစ်
သည် ။

ယခုအခါ ဆံကိဆာ(Sankisa)ခေါ် ဗဆန္တီပူရ်ရွာမှ အရှေ့ဘက်နားတွင်တည်ရှိသည် ဒေလီ-
ဗာရာဏသီ အဝေးပြေးကားလမ်းမမှနေ၍ အနည်းငယ် ဝင်ရောက်လျှင် ရောက်နိုင်သည်
ရှိကိုဟာဗာ-ဒ် နှင့် ဖရုကာဗာ-ဒ် ဆက်သွယ်ထားသည့် ရထားလမ်းပေါ်ရှိ -ပါခဏ-ဘူတာ
မှ -၅-မိုင်ခန့်ကွာဝေးသည် ၊ဥတ္တရာပရာဒေရ်ပြည်နယ်ဖြစ်သည် ၊နွားလာဥဿဘပုံ စီးမိုးပါ
ရှိသည့် အသောကမင်းကြီး၏ ကျောက်စာတိုင်တစ်တိုင်ကို ခုထိတွေ့မြင်နိုင်ပေသည် ၊
ကျောက်စာတိုင်မှ အရှေ့ဘက်တွင် ကြီးမားသော အဆောက်အုံဟောင်းတစ်ခု၏ အုဌ်ခုံရှိပြီး
အုဌ်လှေကားငယ်ဖြင့်တက်ရောက်နိုင်သည် ။

ဟိန္ဒူကျောင်းနှင့်တူသည့် ဘုရားကျောင်းဆောင်ငယ်တစ်ခုလည်းရှိသည် အထဲတွင်ဆင့်တု
တော်တစ်ဆူအား ဟိန္ဒူ နတ်ဘုရားနှင့်မခြား မသပ်မရပ်တသားတည်း ထားရှိသည် ၊အုဌ်နံရံ
ဟောင်း လိုင်မုခ် အဆောင်ငယ်များတွင်လည်း နတ်လာ ဘုရားလားကောင်းစွာ မခွဲခြားနိုင်
သည့် ရုပ်တုငယ်များနှင့် ကျိုးပဲ့ ကြေမွနေသော ရုပ်ထု အစနများကိုတွေရပေသည် ၊လက်ရှိ
တွင် ၄င်း သင်္ကဿ၌ သီရိလင်္ကာ ဘုန်းတော်ကြီးကျောင်းတစ်ကျောင်း တည်ရှိလာပြီဖြစ်
သည် ။
                                             ငြိမ်းချမ်းရေးရိပ်မြုံ(၁၇)..သို့....အရှင်ရေဝတ
| |