သတ္တိဂုမ္ဗဇာတ်

    ဤအရာ၌ ဓားပြလူမိုက်တို့နှင့်ပေါင်းမိ၍ ကျေးမိုက်ဖြစ်ရသောသတ္တိဂုမ္ဗကျေးနှင့်သူတော်ကောင်းနှင့်
ပေါင်းမိ၍ ကျေးလိမ္မာဖြစ်ရသော ပုပ္ဖသူဝကျေးတို့ကို နှိုင်းယှဉ်ကြည့်သင့်သည်။
     ရှေးအခါက ပဉ္စာလတိုင်း ပဉ္စလ ဘုရင်ကြီးသည်တောကစားထွက်ရာမခရီးလွန်ကာရွာတရွာရောက်သွား
၏။ ရွာတံခါးကို ဝင်မိလျှင် *ဒီဘုရင်ကြီးကို ဖမ်းကြ၊ ဆီးကြ၊ သတ်ကြ* စသော ရက်စက်ကြမ်းကြုတ်လှသည့်
အသံကို ကြားရ၍ အသံလာရာသို့ ကြည့်လိုက်ရာ ကျေးသားတကောင် အော်ဟစ်ပြောဆိုနေသည်ကို တွေ့
လိုက်ရ၏။
   ထိုရွာသည် ဓားပြရွာဖြစ်သဖြင့် ကျေးသားသည်လည်း ဓားပြများနှင့်အတူ အနေကြာလာသဖြင့်ရက်စက်
ကြမ်းကြုတ်သော စိတ်ဆိုးစိတ်ယုတ်များဝင်နေသည့် သတ္တိဂုမ္ဗ ကျေးမိုက်ဖြစ်၏။ဘုရင်ကြီးသည်ကြောက်ရွံ့
စိတ် ဖြစ်ပေါ်လာသဖြင့် ချက်ချင်းပင် ရထားထိန်းကို ရထားကစေကာ ထိုနေရာမှထွက်ခွာလာရာမကြာမီပင်
ရသေ့ကျောင်းတကျောင်းသို့ရောက်သွား၏။ ရောက်လျှင်ရောက်ချင်းပင်း *အရှင်မင်းကြီး ကြွတော်မူပါ၊
ထိုင်တော်မူပါ၊ စမ်းရေအေးအေးသောက်တော်မူပါ၊ချိုမြိန်သော သစ်သီးများကိုလည်းသုံးဆောင်တော်မူပါ၊
ရှင့်ရသေ့များ သစ်သီးရှာသွားနေခိုက်ဖြစ်လို့ အရှင်မင်းကြီးကို ဧည့်ဝတ်ပြုမည်သူမရှိ၍ စိတ်မကောင်းပါ၊
အကျွန်ုပ်မှာ လက်မရှိ၍ ကိုယ်တိုင် ဧည့်ဝတ်မပြုနိုင်ဘဲဖြစ်နေပါသည်၊အရှင်မင်းကြီးကိုယ်တိုင်သာ အလို
ရှိသလို သုံးဆောင်တော်မူပါတော့* စသော သာယာချေငံသည့် ဧည့်ခံစကားကိုကြားရ၍ အသံလာရာသို့
ကြည့်လိုက်ရာ ကျေးသားတကောင်ကိုပင် တွေ့ရပြန်သည်။
     ကျေးသား၏ သာယာချေငံလှသော ဧည့်ခံစကားကြောင့်မင်းကြီး၏ ပင်ပန်းနွမ်းနယ်မှုတို့သည် တမု
ဟုတ်ချင်း ပျောက်ကင်းသွားကာ ကြည်သာရွှင်လန်း အပန်းပြေသွားတော့၏။
    ဤကျေးသားက ရသေ့သူတော်စင်များနှင့် အနေကြသဖြင့် သူတော်ကောင်းဓါတ် အရှိန်ဟပ်၍ သူမြတ်
စိတ်ဝင်ကာ ယဉ်ကျေးလိမ္မာနေသော ပုပ္ဖသူဝ ကျေးလိမ္မာဖြစ်၏။
    မင်းကြီး ယခင်တွေ့ခဲ့ရသော ကျေးသားနှင့် ယခုကျေးသားတို့ ကွာခြားပုံကို ပြောပြရာ ကျေးသားနှစ်
ကောင်မှာ တအူတုံဆင်း ညီရင်းအစ်ကိုများ ဖြစ်ကြကြောင်း၊လေပြင်းတိုက်သဖြင့် အသိုက်မှလွင့်ကာ တကွဲ
တပြားစီ ကျရာတွင် ယခင်ကျေးသားက ဓားပြများထံရောက်သွား၍ ယခုကျေးသားက ရသေ့တို့ထံ ရောက်
လာခြင်းဖြစ်ကြောင်း ပုပ္ဖသူဝကျေးလိမ္မာက ရှင်းပြသဖြင့် မင်းကြီးသိရ၏။
     ခိုနောက် ကျေးလိမ္မာက နီတိစကား ဆက်လက် ပြောကြားပြန်၏။
*****အရှင်မင်းကြီး ငါးပုပ်ကို သမန်းမြက်ဖြင့် ထုပ်လျှင် သမန်းမြက်ပါ အပုတ်နံ့ နံ့ပါသည်။ထိုအတူပင်
သူမိုက်နှင့် ပေါင်းသင်းလျှင် မိုက်စိတ်ဝင်ကာ သူမိုက်သာ ဖြစ်ရပါသည်။*****
             ပူတိမစ္ဆံ ကုသဂ္ဂေန၊ ယော နရော ဥပနယှတိ။
              ကုသာပိ ပူတီ ဝါယန္တိ၊ ဧဝံ ဗာလူပသေဝနာ။
   *****အရှင်မင်းကြီး တောင်ဇလပ်ပန်းကို ပေါက်ဖက်ဖြင့်ထုပ်လျှင် ပေါက်ဖက်ပါ ပန်းနံ မွှေးကြိုင်ပါသည်။
ထိုအတူပင် ပညာရှိ သူတော်ကောင်းနှင့် ပေါင်းသင်းလျှင် သူတော်စိတ်ဓါတ် အရှိန်ဟပ်ကာ သူတော်
သူမြတ် ဖြစ်ရပါသည်။*****
           တဂရဉ္စ ပလာသေန၊ ယောနရော ဥပနယှတိ။
           ပတ္တာပိ သုရဘိဝါယန္တိ၊ ဧဝံ ဓီရူပသေဝန။
   ပညာရှိသူတော်ကောင်းနှင့်ပေါင်းသင်းရ၍ အသိအလိမ္မာကြွယ်ဝလှသော ကျေးလိမ္မာ၏ နီတိစကားကို
ပီတိပွားလျှက် မင်းကြီးမှတ်သားလိုက်ရ၏။
   (ဇာတက-ဋ္ဌ ၄၊ နှာ ၄၃၂၊ ဝီသတိနိပါတ်၊ ဇာတ် ၅၀၃ ၊ သတ္တိဂုမ္ဗဇာ်)

သုံးဆယ့်ရှစ်ဖြာမင်္ဂလာ

၁။အာသေဝနာ စ ဗာလာနံ၊ ပဏ္ဍိတာနဉ္စ သေဝနာ။
    ပူဇာ စ ပူဇနေယျာနံ၊ ဧတံ မင်္ဂလမုတ္တမံ။
1. Not to associate with fool, to associate with the 
    wise and to honour those who are worthy of 
    honour; this is the  highest blessing.

၁။ဒေဝေတေ-သိလိုရေးဖြင့် မေးလျှောက်ထားသည့် အိုနတ်သား။
    (က)အာသေဝနာ စ ဗာလာနံ-ဒုစရိုက်ပြုငြား လူမိုက်များကို နီးပါးမယှဉ် ဝေးစွာကြဉ် ၍
            အပေါင်းအသင်းမပြုခြင်းသည် လည်းကောင်း။
     (ခ) ပဏ္ဍိတာနဉ္စ သေဝနာ-ဒုစရိုက်ရှောင်ကြဉ် ကြောင်းကျိုးမြင်၍ ဖြူစဉ်စိတ်ဓါတ် သူတော်
           မြတ်ကို ဆည်းကပ်မှီတင်းဆက်ဆံပေါင်းသင်းခြင်းသည် လည်းကောင်း။
     (ဂ)ပူဇာ စ ပူဇနေယျာနံ-ရတာနာသုံးဖြာ ဆရာမိဘ သီလစင်ကြယ် သကရွယ်ကြီးသူ ဂုဏ်ကြီးသူ             နှင့် ရိုမှုကျေးဇူး ဖြောင့်ဖြူးစိတ်ဓါတ် ပူဇော်ခြင်းသည် လည်းကောင်း။
                
                ဧတံ-ဤရတနာသုံးပါးသည်၊ဥတ္တမံ-ချမ်းသာဆောင်တတ်လွန်ထူးမြတ်သည့်၊မင်္ဂလံ-
ကြီးပွား ချမ်းသာကြောင်း ကောင်းမြတ်သော မင်္ဂလာပါပေတည်း။

                   ကိုးကားစာအုပ်(ချမ်းမြေ့မင်္ဂလာသင်စရာ)မှထုတ်နုတ်ဖော်ပြထားပါသည်။
                                                                                            လိုက်ပါကျင့်ကြံနိုင်ကြပါစေ။(မင်းလှသားလေး) 

သီတဂူမေတ္တာကရုဏာ (ရန်ကုန်)




သီတဂူအပြည်ပြည်ဆိုင်ရာ သာသနာပြုအဖွဲ့မှ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ မဟာဓမ္မကထိက ဗဟုဇနဟိတဓရ အဂ္ဂမဟာဂန္ထ၀ါစကပဏ္ဍိတ သီတဂူကမ္ဘာ့ဗုဒ္ဓတက္ကသိုလ်များ၏ အဓိပတိဆရာတော် ဒေါက်တာအရှင်ဉာဏိဿရ (D.Litt) (Ph.D)သည် နာရေးကူညီမှု၊ ဆေးကူညီမှု၊ ပညာရေးကဏ္ဍများကို စဉ်ဆက်မပျက် ပေးဆပ်လျှက်ရှိသော နာရေးကူညီမှုအသင်း(ရန်ကုန်) အတွက် ရုပ်ကလပ် (အလောင်း) အားပြင်ဆင်ထားရှိချိန်တွင် အသုံးပြုထားရှိရန်အတွက် လေအေး စနစ်သုံး လက်တွန်းလှည်း ၄ စီးကို လှူဒါန်းပေးခဲ့ပါသည်။



ယင်း လေအေးစနစ်သုံး လက်တွန်း လှည်းအား ဘဝနတ်ထံပျံလွန်တော်မူသွားသော ဆရာတော် သံဃာတော်များနှင့် ဘဝတပါးသို့ ကူးပြောင်းသွားသော လူပုဂ္ဂိုလ်များအတွက် ဘုန်းတော်ကြီးကျောင်းများ နှင့် နေအိမ်များ၌ ခေတ္တခဏထားရှိနိုင်ရန် ကူညီဖေးမပေးနိုင်တော့မည် ဖြစ်ပါသည်။

ယင်း လှူဒါန်းပွဲတွင် သီတဂူဆရာတော်ကြီးမှထပ်မံ၍ နာရေးကူညီမှုအသင်း(ရန်ကုန်)၏  သုခ ကုသိုလ်ဖြစ်ဆေးခန်း(ရန်ကုန်)အတွက် ဆေးရုံသုံးပစ္စည်းကိရိယာများ၊ အရေးပေါ်ကယ်ဆယ်ရေးတွင် အသုံးပြုရသည့် အောက်ဆီဂျင်အိုးလွယ်သိုင်းများ၊ ကျောပိုးများ အပါအဝင် အရေးပေါ်လူနာတင် မော်တော်ယာဉ် (Ambulance) TOYOTA အမျိုးအစား ကားတစီးတို့ကို သဒ္ဓါတရား ကြည်လင်စွာ အများပြည်သူတို့အတွက် မေတ္တာ၊ ကရုဏာထားရှိကာ နာရေးကူညီမှုအသင်း(ရန်ကုန်)အား ၆.၅.၂၀၁၁ (သောကြာ) နေ့တွင် လှူဒါန်းမှုကို ပြုလုပ်ခဲ့ပါသည်။ လှူဒါန်းမှု အခမ်းအနား ကို သီတဂူကမ္ဘာ့ဗုဒ္ဓတက္ကသိုလ် (ရန်ကုန်) တွင် ပြုလုပ်သည်ဟု သိရသည်။

 ဤနေရာမှ ကူးယူဖော်ပြသည်။


ရွှင်လန်းချမ်းမြေ့ပါစေ
သီတဂူစတား
၈-၅-၂၀၁၁                                             

     သီတဂူစတားဆိုဒ်မှ ကူးယူကာအလှူတော်အား သဒ္ဓါတရားပွားနိုင်ကြစေရန်ဖော်ပြထားပါတယ်။
                   သီတဂူ ဆန်းလပမာ ချမ်းမြသာယာကြပါစေ။(မင်းလှသားလေး)
| |